Gipahibalo ni Mayor Cindi King Chan nga suspendido ang face-to-face classes sa tanang lebel sa pampubliko ug pribadong eskwelahan sa Lapu-Lapu City karong Oktubre 14, 2026, tungod sa taas nga lebel sa polusyon sa hangin.
Base sa pinakabag-ong air quality monitoring report sa DENR-EMB Central Visayas, ang PM2.5 Air Quality Index (AQI) miabot sa 165, nga giklasipikar nga Very Unhealthy.
Ang mga eskwelahan mogamit sa asynchronous learning o uban pang angay nga pamaagi sa pagkat-on subay sa mga lagda ug giya.
⚠️ Pahimangno sa tanang Oponganons:
- Magpabilin sa sulod sa balay kutob sa mahimo, ilabina ang mga bata, senior citizens, ug mga adunay sakit sa kasingkasing o respiratory conditions.
- Likayi ang bug-at nga mga kalihokan sa gawas.
- Kung kinahanglan mogawas, gamita ang haom nga N95 o KN95 mask aron makatabang sa pagpakunhod sa paglanghap sa gagmay nga partikulo sa polusyon.
Alang sa pinakabag-ong mga pahimangno bahin sa kalidad sa hangin, subaybayan ang opisyal nga Facebook page sa DENR-EMB Central Visayas ug sa Lapu-Lapu City Government.
Amping kanunay, mga Oponganons! Unahon nato ang kahimsog ug kaluwasan sa tanan. 🙏
#ONELapuLapu #ChanKanunayNagAtiman
